WARDA : Ahe gat keda 87 أهي جَت كده

مطربة الأجيال وردة
أغنية : أهي جَت كده
كلمات الشاعر الغنائي بخيت بيومي وألحان الموسيقار حلمي أمين
Warda - Ahe Gat Keda
Lyrics By Bekhet Bayoumi - Composes By : Helmi Amin
--------------
أهي جَت كده والقلب أهو مال أهي جت كده
أهي جَت كده وانشغل البال أهي جَت كده
لاشفت راحة بال بتدوم والعمر عدى يوم ورا يوم
وعينيَّه حتى خاصمها النوم ...
وكل ليلة على ده الحال وأهي جَت كده

على قد هوايا مافرحني وريحني ميِّل وسقاني
بكاني بعدما فرحني .. وبكَّاني وآه ياني بكَّاني بعدما هنَّاني
وداني بعيد آخر الدنيا إداني الحب واخده تاني
كان كل ده ليه ؟ وأنا أعمل إيه ؟ أهي جَت كده مش بإيديَّه
لو قادرة أنساه أنا كنت أنساه لكن أعمل إيه في الحنيَّة
كان وعد عليَّ ومكتوب كان وعد عليَّ
أنا خايفة على قلبي ليدوب كان وعد عليَّ
وصْبُرت وصبري عليه طال
لاشفنا راحة بال بتدوم والعمر عدى يوم ورا يوم
وعينيَّه حتى خاصمها النوم ...
وكل ليلة على ده الحال وأهي جَت كده

ياقلبي كنا بنتمنى نعيش زمان غير أي زمان ياقلبي
زمان مفيهش ولادمعة ولافيه سهر ولافيه حرمان
فيه اللِّي حبُّوا واٌتحبُّوا وكل يوم يِتحبوا كمان
لاطُلنا ده ولا ده ... وحتَّى قلبي اٌشتكى منِّي
معلش ياعين أنا أشكي لمين ؟ أهي جَت كده غصب عنِّي
كان وعد عليَّ ومكتوب كان وعد عليَّ
أنا خايفة على قلبي ليدوب كان وعد عليَّ
وصْبُرت وصبري عليه طال
لاشفنا راحة بال بتدوم والعمر عدى يوم ورا يوم
وعينيَّه حتى خاصمها النوم ...
وكل ليلة على ده الحال وأهي جَت كده

أهي جت كده والحب نصيب مكتوب على جبين العشاق
الحب فرح وجرح يطيب وشوق ونار وحنين وفراق
وياعيني ع اللِّي مالوهش نصيب واللي لاجرَّب شوق ولاداق
أهي جت كده وأنا ح اعمل إيه ؟ في الحب اللي مش قادره عليه
كان وعد عليَّ ومكتوب كان وعد عليَّ
أنا خايفة على قلبي ليدوب كان وعد عليَّ
وصْبُرت وصبري عليه طال
لاشفنا راحة بال بتدوم والعمر عدى يوم ورا يوم
وعينيَّه حتى خاصمها النوم ...
وكل ليلة على ده الحال وأهي جَت كده