Dard-e-Dil Bhi Gham-e-Doran - Abida Parveen

دردِ دل بھی غمِ دَوراں کے برابر سے اُٹھا
آگ صحرا میں لگی اور دُھواں گھر سے اُٹھا

طابش حسن بھی تھی، آتشِ دنیا بھی مگر
شعلہ جس نے مجھے پُھونکا مرے اندر سے اُٹھا

کسی موسم کی فقیروں کو ضرورت نہ رہی
آگ بھی، ابر بھی، طُوفان بھی ساغر سے اُٹھا

بے صدف کتنے ہی دریاؤں سے کچھ بھی نہ ہوا
بوجھ قطرے کا تھا ایسا کہ سمندر سے اُٹھا

چاند سے شکوہ بہ لب ہوں کہ سُلایا کیوں تھا
میں کہ خورشیدِ جہاں تاب کی ٹھوکر سے اُٹھا

مصطفی زیدی