السادة المحترمون: تفاصيل المسابقة التي أعلن عنها السيسي لتعيين 30 ألف معلم مساعد

30 ألف فرصة عمل بوزارة التربية والتعليم من درجة معلم مساعد عشان تستوعبهم 1150 مدرسة هتدخل الخدمة في العام الدراسي الجديد.. دا خبر كويس ، السيسي أكد أن الاختيار هيتم حسب شروط الكفاءة والمصداقية، وأن يتمتَّع "المعلم" بالشرف والأمانة، بالإضافة إلى الشروط التي وضعتها وزارة التربية والتعليم......... في الحقيقة الرئيس عبدالفتاح السيسي أول مسئول يتكلم عن الدروس الخصوصية بصراحة وشفافية ووضوح وما يضحكش علينا .. أثناء إلقاء خطابة أحد الحضور قاله " الدروس الخصوصية يا ريس اللي بتتكلف 30 مليار جنيه في السنة"..الرئيس سكت لثانية..ورد وقال " المعلم ده إنسان..وعايز يعيش..يا نعيشه ..أو نسيبه يعيش بنفسه.." ..فى مدرسين مش عارفين يشتروا هدوم، مش شايف إنه فى مدرسين أحوالهم صعبة، ومدرسين مش قادرين يعيشوا، إذا كانت الدولة مش قادرة تديهم دلوقتى، لازم يلاقوا طريقة يساعدوا بها نفسهم، واحنا لازم يبقى عندنا رحمة وفهم، ولازم ننظر للأمور بموضوعية ورشد..... فقال لو تم زيادة مرتبات المعلمين في الشهر 100 جنيه ، فإن ذلك سيكلف ميزاينة الدولة 1.8 مليار جنيه..طبعا الـ100 جنيه ما يعملوش حاجه..فقال الرئيس طب لو زودناهم 1000 جنيه ؟؟ فده هيكلف الدولة 18 مليار جنيه وده مش موجود فلازم أننا نقدره معنويا لحد ما نقدر نقدره ماديا .. عموما احنا معانا على الهاتف الآن د.محمود أبو النصر وزير التربية والتعليم عشان يقولنا تفاصيل المسابقة التى أعلن عنها الرئيس عبد الفتاح السيسى ، لتعيين 30 ألف معلم جديد .
تابعونا على https://www.facebook.com/alSadahalMo7taramon