السادة المحترمون: النتائج المترتبة على مشروع محور قناة السويس الجديد

السلام عليكم أيتها السيدات المحترمات والسادة المحترمون ، بكل تأكيد مشروع محور تنمية قناة السويس أو قناة السويس الجديدة .. بجانب أنه هيحقق انتعاشه اقتصادية وتنمية مستدامه وخلق فرص عمل للشباب وهيرفع نصيب مصر من التجارة العالمية من %8 إلى %15 .. إلا انه كما هيكون بشرة خير لمدن القناة .. السويس وبورسعيد والاسماعيلية .. اللى اكيد مع اكتمال المشروع هتشهد طفره اقتصادية .. خاصة أن أبرز القطاعات اللى بتحتل أولوية للتنفيذ بمحور قناة السويس الصناعة والسياحة واستصلاح الأراضى جنوب شرق بورسعيد وشرق البحيرات المرة وإقامة مجتمعات عمرانية جديدة ومناطق صناعية بالإضافة إنشاء محطتين للحاويات وخلق ظهير الصناعي بشرق بورسعيد مما سيحقق نهضة مؤكدة للمحافظة والمحافظات المجاورة والقضاء علي البطالة . .. واعتقد أنه بكده هيكون اهل بورسعيد تحديدا من أكبر المستفيدين من المشروع بعد حالة الركود اللى عاشتها المدينة أخر 5 سنين ليأتى مشروع قناة السويس الجديد ليحل جانبا كبيرا من مشاكل المدينة الحرة .. وطبعا المدينة الباسلة مع البدء فى اعمال المشروع محتاجه أنها تتهيأ لتواكب حجم الانشطه اللى هتظهر مع افتتاح المشروع ..عشان يكون عندنا منطقه خدمات لوجيستيه متكامله المعالم تكون هى الأكبر فى منطقة الشرق الأوسط .. خلونى أرحب بضيوفى النهارده السياسى المعروف والمواطن البورسعيدى جورج إسحق القيادى بالتيار الديمقراطي وعضو المجلس القومى لحقوق الانسان والمهندس الاستشاري البورسعيدى محمد عكرش .
تابعونا على https://www.facebook.com/alSadahalMo7taramon