السادة المحترمون: انقطاع مُنظم للتيار الكهربائي .. الأسباب تعددت والإنقطاع واحد

عادت عملية انقطاع التيار الكهربائي للانتظام في الانقطاع ، بعد عدة أيام من انتظامها على غير ما اتعود المواطن الأحمال المصري الشقيان ، لكن لسه في قلة قليلة لسه فاكرة أن الطبيعي ان الكهرباء تستمر في العمل وما تقطعش ، وبيسألوا أمتى هيتم القضاء على ظاهرة انقطاع التيار الكهربائي ، ولا العيش في الضلمة هيبقى هو الحل ، وبيطالبوا من المسئولين يقولوا لينا السبب الحقيقي في انقطاع الكهرباء ، لأن الأسباب تعددت والانقطاع واحد ، أيام الحر بيقولوا الحمل زيادة وخففوا الأحمال ، ولما الجو يهدى وتهدى المراوح والتكييفات ونخفف الأحمال بنلاقيها قطعت بردووو ، ساعتها بيقولوا في نقص في الوقود ، حتى بقى بيتهيأ لنا ان الكهربا تقطع الاول وبعدين نقول اي سبب مش مشكلة ، الأهم الكهرباء تقطع ، عشان كده بنطلب من المسئولين يحطوا لنا موعد محدد للقضاء على ازمة انقطاع التيار الكهربائي .
تابعونا على https://www.facebook.com/alSadahalMo7taramon