Abida Parveen..Ek lafze mohabbat ka...(Tanhaiii)

Ek Lafz-E-Mohabbat Ka Adnaa Sa Fasaana Hai

Simtay To Dil-E-Aashiq Phailay To Zamaanaa Hai

Ye Kis Ka Tasavvur Hai Ye Kis Ka Fasaanaa Hai

Jo Ashk Hai Aankhon Main Tasbeeh Ka Daana Hai

Hum Ishq Ke Maaron Ka Itna Hi Fasana Hai

Ronay Ko Nahi Koi Hansnay Ko Zamana Hai

Wo Aur Wafa-Dushman Manegay Na Mana Hai

Sab Dil Ki Shararat Hai Aankhon Ka Bahana Hai

Kya Husn Ne Samjha Hai Kya Ishq Ne Jana Hai

Hum Khaak-Nasheeno Ki Thokar Main Zamana Hai

Wo Husn-o-Jamaal Unka Ye Ishq-o-Shabaab Apna

Jeenay Ki Tamannaa Hai Marnay Ka Zamana Hai

Ya Wo Thay Khafa Hum Se Ya Hum Thay Khafa Unsay

Kal Unka Zamaana Tha Aaj Apna Zamana Hai

Ashkoon Ke Tabassum Main Aahon Ke Tarannum Main

Maasoom Mohabbat Ka Maasoom Fasana Hai

Aankhon Main Nami Si Hai Chup-Chup Se Wo Baithay Hain

Nazuk Si Nigaahon Main Naazuk Sa Fasana Hai

Hai Ishq-E-Junuu-Peshaa Haan Ishq-E-Junuu-Peshaa

Aaj Ek Sitamagar Ko Hans Hans Ke Rulana Hai

Ye Ishq Nahi Aasaan Itna To Samajh Lijiye

Ek Aag Ka Dariya Hai Aur Doob Ke Jana Hai

Aansoo To Bahut Se Hain Aankhon Main "Jigar" Lekin

Bandh Jaaye So Moti Hai Reh Jaaye So Dana Hai...(Tanhaiii)!!!