Love Dosti Dua 04; 14th November Part 3
Shiv ko pata chalta hai ki uske upar waale floor mein jo Budhhi rehti thi woh marr gayi hai. Jab woh log wahaan pahunchte hai toh dekhtein hain ki eik aurat wahaan baithkar ro rahi hai aur keh rahi hai ki yeh bina bhindi khaye hi marr gayi. Tulika ko yeh sunkar hansi aa jaati hai. Gauri Tulika ko kone mein le jaakar daantati hai, Tabhi achanak se band waale music bajane lagte hain aur saare log laash ko uthakar le jaate hain. Uss budhhi ka pota Shiv ke ghar mein mithayi dene aata hai ki uski dadi 100 saal complete karke mari hai. Shiv usse poochta hai ki abb woh flat mein kaun rahega. Woh aadmi shiv se kehta hai ki yeh faisla uski biwi karti hai. Shiv Tulika aur Gauri uski biwi se milne jaate hain aur usse samjhane ki koshish karte hain ki yeh flat gauri ko de diya jaaye. Tulika toh yeh tak keh deiti hai ki iski shakal aapke dadi se milti hai. Aurat dadi ki photo dekhkar hairaan hoti hai aur maan jaati hai lekin jab woh unko flat dene ke liye almost taiyaar ho jaati hai tabhi woh Tulika ko uska mazaak udate hue sunn leiti hai aur woh flat dene se inkaar kar deiti hai. Agle din uss aurat ka husband Shiv ko yeh kehkar Chabhi dekar jaata hai ki unhe kisi zaroori kaam se baahar jaana hai aur eik kirayedaar uss flat ko dekhne aane waale hain. Woh shiv se request karta hai ki unhe flat dikha de, Shiv chabhi le leita hai. Jab Mr aur Mrs Shah flat dekhne aate hain toh Gauri aur Tulika bhoot bankar unhe darakar bhaga deite hain. Agle din woh aurat Shiv ke flat aati hai aur kehti hai ki iss flat ko koi lena hi nahi chahta, shayad yeh flat tumhari dost ki kismat mein hi hai. Woh usse chabhi dene hi waali hoti hai ke tabhi usse eik phone aata hai aur woh yeh kehkar Shiv ko chabhi nahi deiti ki abb uss flat mein uska bhateeja rehne aa raha hai.