يوسف الحسيني للرئيس: ورينا بس نفسك في أثيوبيا .. الإعلام لا يخضع لكهنة المقطم

الدكتور مرسي بيكلم عن الأخلاق وبيقول ما أسهل الهدم لكن الأخلاق والبناء هو شيمة أصحاب الهمم العالية ، الدكتور مرسي اللى ما صدقش فى أى وعود قالها للشعب المصرى وده فى الإسلام أسمه "كذب" بيكلم عن الاخلاق وأصحاب الهمم العالية اللى شايف نفسه منهم !! ، لأ ومرسي بيهدد الإعلام والإعلاميين وبيقول ما أيسر ردود الفعل الغاضبه تجاه الإعلام والإعلاميين ، ما ورينا يادكتور مرسى هتعمل ايه هتحبسهم بتهم التطاول على الذات المرسية مثلا ؟ ما دومة محبوس علشان كدة ، وبعدين أنت ليه متصور يادكتور مرسى انك فعلا قادر على الفعل فى الأساس ، اوعوا تتصوروا ان الاعلام هيسكت على الظلم وكشف مظالم ومساوىء السلطة ، اوعوا تتخيلوا ان الإعلام ممكن يخضع لكهنة المقطم ، تبقوا بتحلموا ، الإعلام هيخضع فقط لألام وأمال المصريين هيكون صوت الضعفاء ضد أى سلطة غاشمه تتاجر بالدين .. تابعونا على https://www.facebook.com/alSadahalMo7taramon