محمد البتاجي: تم خطف قيادات الإخوان من بيوتهم وحبسهم في سجن وادي النطرون

يبدو أن وزير الداخلية اللواء محمد إبراهيم منسق مع الدكتور محمد البلتاجى فى قصة قيادات الإخوان اللى هربوا من سجن وادى النطرون وقت الثورة ، وزير الداخلية خرج وقال ليس لدينا ما يثبت أن مرسى كان معتقل وردينا عليه فى حلقة الأحد الماضى وكلمنا اللواء محمد نجيب رئيس مصلحة السجون الأسبق اللى أكد أن مفيش أى سجن بيستقبل أى معتقل الا وكان فى قرار باعتقاله ، الغريب بقى أن البلتاجى نفسه خرج وقال نفس كلام وزير الداخلية وقال ان مرسى وقيادات الإخوان لم يصدر بشأنهم قرار اعتقال وقال أن هروبهم من السجن للمشاركة فى الثورة كان شرف ليهم
ده كلام البلتاجى اللى ما يبدو أن نسق مع وزير الداخلية فى تبنى نفسه قصة ما يسمى اعلاميا بقضية الهروب الكبير من سجن وادى النطرون ، البلتاجى برضه ما قلناش ازاى الدكتور مرسى واللى معاه خرجوا من السجن وما قلناش برضه ازاى أكثر من 15 مصرى اتقتلوا عند اقتحام سجن وادى النطرون اللى هرب منه مرسى ، البلتاجى كمان ما علقش على شهادة اللواء القوصى مأمور سجن وادى النطرون اللى قال شهدته فى قضية جنح مستأنف الاسماعيلية واللى أكد أن عملية اثتحام سجن وادى النطرون كان منظمة ، البلتاجى كمان ناسى أن اقتحام سجن وادى النطرون والمرج تحديدا تموا بنفس الطريقة لان كان فيهم قيادات الإخوان وقيادات من حزب الله وحماس - والغريب كمان ان البلتاجى تناسى ان الدكتور مرسى كان معتقل على خلفية حاجة تانية خالص ستكشف عنها الأيام أو الشهور المقبله .
تابعونا على https://www.facebook.com/alSadahalMo7taramon